Peskig arc'hant

Peskig arc'hant, peskig glas

O neuiñ 'barzh ar mor bras,

Lavar din 'pelec'h out bet

Ha petra 'peus gwelet ?

Me am eus graet tro ar bed

'N ur c'hoari gant ar stered

A gustum sellet en dour

Evel en ur melezour.

Foñs ar mor a zo livet

Gant kaerañ livioù krouet

Ar bezhin eo hor bleunioù,

Ar c'hregin hor bravigoù.

Peskig, me 'yelo ganez

Da dañva da levenez,

Ebatiñ mintin ha noz

'Dle bezañ ur baradoz.

Faziañ a rez, bugel,

Du-mañ ivez 'z eus brezel,

Ar re vihan gant ar re vras

Zo bet lonket a-viskoaz